ओखलढुङ्गा — खिजीदेम्वा गाउँपालिकाले अ.हे.व. (सहायक चौथो) पदमा दुई जना कर्मचारी छनोट तथा सिफारिस गरेको छ।
गाउँ कार्यपालिकाको कार्यालय, खिजीफलाटेले लिखित परीक्षा तथा अन्तरवार्तामा सहभागी उम्मेदवारको प्राप्ताङ्कका आधारमा अन्तिम नतिजा सार्वजनिक गर्दै सुजन तामाङ र सुजन घिमिरेलाई छनोट तथा सिफारिस गरेको हो।
छनोट भएका तामाङ सोलुदुधकुण्ड नगरपालिका–३, सोलुखुम्बु र घिमिरे खिजीदेम्वा गाउँपालिका–१, ओखलढुङ्गाका रहेका छन्।
त्यस्तै, वैकल्पिक योग्यताक्रममा राजकुमार शाह हलुवाई, बलराम दाहाल र अब्देश भट्टराई रहेका छन्।
गाउँपालिकाले छनोट भएका उम्मेदवारलाई ७ दिनभित्र सक्कल कागजातसहित सेवा करार सम्झौताका लागि कार्यालयमा उपस्थित हुन सूचित गरेको छ।
यसैगरी, मेडिकल अफिसर पदका लागि उम्मेदवार परीक्षामा अनुपस्थित भएपछि उक्त पदमा कुनै उम्मेदवार छनोट हुन नसकेको गाउँपालिकाले जनाएको छ।
Leave a Reply